«Прозит!» – Бертольт Брехттің 1924 жылғы «Мещандар тойы» пьесасының желісі бойынша Пен Екатерина (режиссер) мен Доминская Светлана (балетмейстер) сахналаған сюрреалистік драма.
Үйлену тойы – жаңадан отау құрған жастардың өміріндегі ең бақытты күн болуы тиіс. Барлығы мүлткісіз болу керек: қалыңдық көздің жауын алатындай көркем әрі пәк, күйеу жігіт – сенімді әрі батыл, қонақтар өздерін тәртіпті ұстп, ата-аналар қуаныштан көз жасына ерік береді. Алайда тәптіштеп құрылған бұл сыртқы перденің ар жағына көз жүгіртсеңіз, махаббат салтанаты бір-ақ сәтте тас-талқаны шығып, теңдессіз үйлену тойы нағыз масқараға айналады.
Тойдағы салтанатты рәсімдердің, күлімсіреген жүздер мен көтерілген тосттардың ар жағында не жатыр? Адамдардың сыртқы сыпайылығы мен жарасымды көрінген қалпы қаншалықты баянды? Ал егер сол көзбояушылықтың пердесі сөгіле бастаса, не болады? «Прозит!» – бұл сатираның уытты тілі, көз тартар бейнелер, Бродвей джазының ырғағы, сандырақ пен ащы шындықтың үйлесімі. Спектакль махаббат пен отбасы сияқты ең киелі ұғымдарға қоғамның мызғымас қағидаларының қалай сыналап кіретінін ашып көрсетеді.
Қойылымның жүрекке жеткізер негізгі идеясы: «Адамның ең басты түйсігі – аман қалу емес, отбасы құру» деген ой төңірегінде өрбиді.
Спектакль Қазақстан театр сыншылары қауымдастығы тарапынан «2023 жылдың үздік хореографиясы мен балетмейстерлік жұмысы» номинациясы бойынша марапатталып, сонымен қатар келесі аталымдар бойынша атап өтілді: «Жыл спектаклі», «Жыл актрисасы» (Ана рөлі үшін Надежда Ким), «Жыл актерлік дуэті».
Қойылым тобы:
Режиссёрі, инсценировка: Пен Екатерина
Балетмейстер: Доминская Светлана
Суретші: Ни Александра
Композитор: Божок Игорь
Дыбыс режиссері: Кан Лаврентий
Жарық жөніндегі суретші: Касымбеков Мухит
Костюм цехының меңгерушісі: Стрельникова Лиана
Көркемдік-қойылымдық бөлімінің меңгерушісі: Ким Владимир
Сәндік шеберхана меңгерушісі: Дубровин Александр
Шаруашылық бөлімінің меңгерушісі: Ни Анатолий
Орындаушылар:
Күйеу жігіт – Арипов Данияр
Қалыңдық – Исабекова Шейла
Күйеуі – Пак Константин
Жұбайы – Ли Наталья
Әке – Махпиров Алишер
Ана – Ким Надежда
Дос – Клишин Александр
Әпке – Юн Евгения
Ұзақтығы: 1 сағат 10 минут
Жас санаты: +16
