5-6 наурыз күндері театр сахнасында қайталанбас ерекше оқиға орын алды! Көктемнің ең шуақты мерекесі – Халықаралық әйелдер күні қарсаңында Сеул филармониялық оркестрімен бірлескен халықаралық жоба жүзеге асты.
Сеул филармониялық оркестрі – өнерімен миллиондаған адамның жүрегін шабыттандырған әлемдік деңгейдегі ұжым.
Бұл кеш ерекше мағынаға толы болды, өйткені концерт бірден екі айтулы мерейтойға арналды: Корея Республикасының тәуелсіздігінің 80 жылдығы және ұлы ақын-ағартушы Абай Құнанбайұлының 180 жылдығы.
Бұл маңызды даталар мәдениеттің, тарихи құндылықтың және халықтар арасындағы достықтың символына айналды.
Концерт барысында В.А. Моцарт, А. Вивальди, П.И. Чайковский сынды ұлы классиктердің шығармалары, сондай-ақ қазақстандық композиторлар Еркеш Шәкеев пен Манарбек Ержановтың туындылары орындалды. Әсіресе, көрермендерге «Қуанамын» әні ерекше әсер сыйлады. Оны Корей театрының жетекші солисі, Зальцбург пен Санкт-Петербург қалаларында өткен халықаралық фестивальдердің Гран-при иегері Ангелина Югай тамаша орындап шықты.
Сеул филармониялық оркестрінің бас директоры Чон Че Вальге осы ғажайып әрі ұмытылмас екі кеш үшін алғысымызды білдіреміз!
Сондай-ақ, бұл ерекше музыкалық сәттерді бізбен бірге бөліскен барлық көрермендерімізге рахмет айтамыз!