Республикалық мемлекеттік академиялық корей музыкалық комедия театры”Қарағанды облысының корейлері атынан қазақ халқына алғыс” естелік белгісінің ашылуына қатысты
Қарағанды облыстық кәрістер этномәдени орталығының 30 жылдық мерейтойын мерекелеу және “Рухани жаңғыру” бағдарламасы аясында 2019 жылғы 20 қыркүйекте Қарағанды қаласының Орталық мәдениет және демалыс саябағының каскадты алаңында “Қарағанды облысының кәрістерінен қазақ халқына алғыс”естелік белгісінің ашылуы өтті. Ол мейірімділік, жанашырлық, адам қайғысын түсіну сияқты жалпы адамзаттық іргелі құндылықтарға негізделген және бізді өткенге, Ұлы Дала елінің тарихын еске алуға бағыттайды, ол бізді бүгінгі өмірде бағыт-бағдар болып табылатын ата-бабаларымыздың үздік, игі дәстүрлерін ұстануға шақырады. ХХ ғасырдағы саяси қуғын-сүргін мен депортацияның қайғылы жылдарында миллиондаған адамдар бір-біріне көрсеткен көмегі мен қолдауы үшін ризашылықтарын білдірді. Бұл бәрінен айырылған адамдарға өмір сүруге, үміт табуға, өмірді қайта бастауға мүмкіндік берді. Қазіргі кезде куәгерлер, сондай-ақ қуғын-сүргін дәуірін бастан өткерген адамдардың ұрпақтары Қазақстанның қасиетті жерінде алған қамқорлық пен қонақжайлылықты ұлы жылылықпен еске алады.
Дәл осы күндері мемлекеттік Республикалық академиялық корей музыкалық комедия театрының Қарағанды қаласына гастрольдері жоспарланған болатын. 20 жылдан астам достық пен тығыз ынтымақтастықты республикалық мемлекеттік академиялық корей музыкалық комедия театры Қарағанды облысының корей этномәдени бірлестігімен байланыстырып келеді. Театрымыздың әртістері үшін естелік белгінің ашылу салтанатына қатысу құрмет болды. Ашылуының ресми бөлігінен кейін театрымыз қазақ халқына алғыс ретінде монументке гүл шоқтарын қойды.
[woowgallery id=”5971″]