Қазақстан Республикасы Мәдениет және ақпарат министрлігі Мәдениет комитетінің «Республикалық мемлекеттік академиялық корей музыкалық комедия театры» РМҚК хабарлайды:
2025 жылғы 25 мамырда Алматы қаласында «Ортеке» VII Халықаралық қуыршақ театрлары фестивалінің салтанатты жабылуы өтті.
Бұл ауқымды мәдени шара Қазақстан, Грузия, Түркия, Өзбекстан және Әзірбайжанның кәсіби қуыршақ театрларын біріктіріп, шығармашылық тәжірбие алмасу, ұлттық дәстүрлер мен заманауи театр формаларын көрсету үшін жарқын алаңға айналды.
Фестиваль аясында шет елдік режиссерлердің, актерлердің, театр зерттеушілері мен сарапшыларының қатысуымен дөңгелек үстел өтті. Қуыршақ театрының дамуындағы өзекті мәселелер, дәстүрлер мен заманауи көркемдік тәжірибелер талқыланды.
Фестивалдің қазылар алқасының құрамы:
- Жуасбек Еркін Тілеуқұлұлы (Қазақстан Республикасы) — қазылар алқасының төрағасы, театр сыншысы, драматург, өнертану кандидаты, Қазақстанның еңбек сіңірген қайраткері, М. Әуезов атындағы Қазақ ұлттық драма театрының директоры.
- Светлана Николаевна Раду (Молдава Республикасы) — актриса, режиссёр, өнер шебері, театр қайраткерлері Одағы Сенатының мүшесі, «Gala PREMIILOR UNITEM» фестивалінің қазылар алқасының төрағасы.
- Мухаммадулло Султонович Таваров (Тәжікстан Республикасы) – театртанушы, театр сыншысы, доцент, Тәжікстан мәдениет министрлігі Мәдениет және ақпарат институтының ғылыми қызметкері.
- Марина Юдже (Түркия Республикасы) — актриса, «Tempo» театрының директоры, Анкарадағы қуыршақ театрларының Халықаралық фестивалінің ұйымдастырушысы.
- Парманов Бекпулат Саттарович (Қазақстан Республикасы) – актер, режиссер, М. Горький атындағы мемлекеттік академиялық орыс драма театрының көркемдік жетекшісі, Қазақстанның еңбек сіңірген әртісі.
Марапаттау рәсімі республикалық мемлекеттік академиялық корей музыкалық комедия театрының сахнасында өтті.
Фестиваль жеңімпаздары негізгі номинациялар бойынша:
- Гран-при / «Ең үздік спектакль» (Лучший спектакль):
Алматы қаласының Мемлекеттік қуыршақ театры (Қазақстан) — Н. Гогольдің туындысы бойынша «Шекпен» («Шинель») спектаклі. - «Ең үздік режиссерлік жұмыс» (Лучшая режиссёрская работа):
Димитрий Хвтисиашвили және Гиа Марганияни, Нодара Думбадзе атындағы мемлекеттік кәсіби жастар театры. (Грузия) – «Отелло» спектаклі.
- «Ең үздік актерлік жұмыс» (Лучшая актёрская работа):
Ержан Әукенұлы Бигашев, Маңғыстау облыстық қуыршақ театрының актері (Қазақстан) — Ю.Поспелованың пьесасы бойынша «Дос іздеймін» («Ищу друга») спектаклі. - «Ең үздік суретші жұмысы» (Лучшая работа художника-постановщика):
Батуми мемлекеттік кәсіби қуыршақ және жастар театры (Грузия) – «Отбасы» («Семья») спектаклі, сценографиясы: и. Киквадзе және Н.Сабашвили. - «Ең үздік актрелік ансамбль» (Лучший актёрский ансамбль) Қостанай облыстық қуыршақ театры (Қазақстан) — Николоза Сабашвили пьесасы бойынша «MEN…» спектаклі.
«Ортеке» фестивалі театр өнерін дамытуға және мәдениеттер арасындағы диалогты нығайтуға ықпал ететін халықаралық мәдени платформа ретіндегі өзінің жоғары мәртебесін тағы да растады.