Қымбатты достар!
Мемлекет Басшысы Қасым-Жомарт Кемелұлы Тоқаевтың республикалық телеарналар эфирінде елдегі төтенше жағдайға және мемлекеттің экономика мен әлеуметтік саладағы дағдарысқа қарсы шараларына байланысты үндеуі ертеңгі күнге сенімділік береді.
Мемлекеттік Республикалық академиялық корей театрының ұжымы, көптеген мемлекеттік мекемелер сияқты, қашықтықтан жұмыс істеуде. Қазір театр ұжымы үлкен жауапкершілікті сезінеді және қойылған міндеттерді жүзеге асыруға толық дайын.
Театр Қазақстан Республикасы Мәдениет және спорт министрлігі бастамашылық еткен #онеронлайн жобасына белсенді қатысуда. Театрдың ресми сайтында, сондай-ақ әлеуметтік желілерде біздің спектакльдеріміз бен театрландырылған қойылымдарымыз, театр әртістерімен тікелей эфирлер көрсетіледі.
Театр ұжымы көп рет қолданылатын медициналық маскаларды тігу акциясына белсенді қатысты. Тігін цехымен қатар тігумен театрдың бас режиссері Е. В. Ким, бас балетмейстер Л. в. Ким, ҚР еңбек сіңірген қайраткері Антонина Пяк, ҚР еңбек сіңірген әртісі Зоя Ким және т. б. айналысты.
Бұрын жоспарланған қойылымдарға дайындық жұмыстары күшейтілген режимде жүріп жатыр және карантин аяқталғаннан кейін барынша қысқа мерзімде жүзеге асырылатын болады. Төтенше жағдайдың барлық нормаларын сақтай отырып, театр ұжымы Сіздерді Мемлекет басшысының халқымыздың әл-ауқатына бағытталған ұтымды әрі сарабдал саясатын қолдауға шақырады. Өзіңізді және жақындарыңызды қорғаңыз!
Біз біргеміз!
Мемлекеттік Республикалық академиялық корей театрының ұжымы.
