Республикалық мемлекеттік академиялық корей музыкалық комедия театрының тарихында тұңғыш рет!
Театрдың шығармашылық труппасы Түркияның Анкара қаласында өткен «Кумихоның құшағы» қойылымымен X Халықаралық театр фестиваліне қатысты.
14 қазан күні сағат 19:30-да Nejat Uygur мемлекеттік театрында көрсетілімі өтті!
Фестивальге Ресей, Франция, Болгария, Бразилия, Грузия, Молдова, Түркия және Қазақстан сынды 9 ел қатысты.
Сценарий авторы – Евгений Ни; қоюшы режиссер, корей театрының бас балетмейстері – Анна Цой, біздің елімізде ғана емес, одан тыс жерлерде де өз жұмыстарымен танымал, халықаралық фестивальдар мен конкурстардың лауреаты.
Театрдың жетекші әртістері және басты рөлдерді орындаушылар:
Наталья Ли – ҚР мәдениет саласының үздігі, «Ерен еңбегі үшін» мемлекеттік марапатының иегері, халықаралық жобалардың қатысушысы, театрдың барлық қойылымдарының басты кейіпкері болып табылатын әртісі қойылымның басты рөлін – «Кумихоны» (тоғыз құйрықты түлкі, корей мифологиясының жаратылысы) тамаша орындады.
Надежда Ким – ҚР мәдениет саласының үздігі, ҚР Президентінің Құрмет грамотасымен марапатталған. Театрдағы жолын балет әртісі ретінде бастаған, бүгінгі таңда театрымыздың жетекші актрисасы және режиссері болып табылады. Надежда қойылымда «Сойё» (Кумихоның әпкесі) рөлін сомдады.
Алишер Махпиров – ҚР мәдениет саласының үздігі, «Ерен еңбегі үшін» мемлекеттік марапат иегері, бүкіл шығармашылық өмірін корей театрына арнағандардың бірі және 20 жылдан астам уақыт бойы басты рөлдердің орындаушысы болып табылады. Ол корей, қазақ және орыс тілдерін жетік меңгерген – «Юонг» аңшысының рөлін орындады.
Арипов Данияр – театрдың жетекші әртісі, кино әртісі. Корей театрында 2023 жылдан бері жұмыс істейді, мұндай қысқа мерзімге қарамастан, театрдың көптеген қойылымдарына қатысады. Ол аңшының ұлы «Бэкхен» рөлін сомдады.
Константин Пак – жас, болашағы зор, жетекші театр әртісі, режиссердің көмекшісі, ол тек драмалық актер ғана емес, сонымен қатар кәсіби биші, дәстүрлі ұрмалы аспаптарда ойнаушы болып табылады. Ол қойылымда «Тэмин» рөлін сомдады.
Ангелина Югай «Ай құдайы» бейнесінде барлық көрермендерді өзінің қатты вокалдық орындауымен таң қалдырды. Ол театрдың жетекші солисті, Австриядағы Зальцбург қаласында өткен халықаралық вокал фестивалінің лауреаты.
Тимур Лян – театр балетінің жетекші жас әртісі, қазіргі уақытқа дейін бірнеше драмалық рөлдерін сомдаған, мюзиклдің жетекші рөлдерінің бірін ойнады. Ол дәстүрлі ұрмалы аспаптарды шебер меңгерген.
Александр Клишин «Джун Ву» рөлін ойнады. Театрдың жас жетекші балет әртісі. Ол театр қойылымдарында бірнеше басты рөлдерді, мюзиклдегі жетекші рөлдердің бірін орындаған.
Балет труппасының әртістері:
Ашимова Енлик – Джун Ву анасының рөлін орындады,
Бакытханова Гульмира, ҚР мәдениет саласының үздігі,
Когай Анель,
Цой Елена,
Зейнолла Акбота,
Хван Валерия,
Бапова Аяна.
Құрметті әртістеріміз, біз Сіздермен мақтанамыз! Барлықтарыңыз Түркияда еліміздің көп қырлы мәдениеті абыроймен көрсетілген!
Біз бүкіл әлем бойынша гастрольдермен өнер көрсету мүмкіндігіне ризамыз. Өйткені, мұндай қойылымдар елдер арасындағы мәдени байланыстарды нығайтады, өзара түсіністікке ықпал етеді және мәдени алмасуды байытады!