Қымбатты достар!
17 және 18 қаңтар күндері Корей театрының сахнасында Республикалық мемлекеттік академиялық корей театры мен «Самұрық» заманауи би театрының алғашқы би қойылым-зертханасының премьерасы өтті. Бұл жоба Гульнара Владимировна Адамованың жетекшілігімен ұйымдастырылды!
Жобаның авторы – корей театрының бас балетмейстері Анна Цой!
1 бөлім «ЕЛЕС СҰЛБАСЫ»
«Елес сұлбасы» қойылымы диалог түріндегі жеке-жеке хикаялардан құралған, әрқайсысы жұмбақ аурулар мен елестердің сырына үңіліп, қорқынышты түс болып енетін көптеген тылсым құбылыстардың құпиясын ашады.
Әңгіме желісі көзге көрінбейтін елес сұлбасын жандандырып, дүниеден өткен сүйікті жандардың бейнесін қалыпқа келтірудің төңірегінде өрбиді.
Хореограф-қойылым жасаушылар: Анна Цой, сондай-ақ «Самұрық» театрының балетмейстерлері Томирис Меттыбаева мен Артур Галимуллин.
2 бөлім: «КЕЗЕҢ АЯСЫНДА» қойылымы
Режиссёр-хореограф: Остапенко Андрей
Әдетте, біз «кезең» деген ұғымға жалпы көріністі құрайтын жеке-жеке бөлімдердің бірлесуін, яғни адамның басқа адамдармен қарым-қатынасында туындайтын ішкі үдерістерді зерттеуді жатқызамыз. Ендеше, бейтаныс адамдардың арасында жаңа ортаға тап болған жан қандай күй кешеді?
Дәстүрлі корей биі балеті мен заманауи хореография балеті алғаш рет осылай бірлесіп, көрермендердің үлкен қызығушылығы мен ыстық ықыласына бөленді. Біз «Самұрық» заманауи би театрының ұжымына және көркемдік жетекшісі Гульнара Владимировна Адамоваға ынтымақтастығы мен баға жетпес тәжірибесі үшін алғысымызды білдіреміз! Бұл бірлескен жоба болашақта жалғасын табады деп үміттенеміз.