Мәдениет және өнер қызметкерлерінің кәсіби мерекесі қарсаңында Ақордада салтанатты шара өтті.
Қазақстан Республикасының Президенті Қасым-Жомарт Кемелұлы Тоқаев халқымыздың мәдениетін дамытуға және ұлттық болмысын сақтауға өлшеусіз үлес қосқан өнер иелеріне мемлекеттік наградалар табыстады.
Осы мәртебелі марапатқа Республикалық мемлекеттік академиялық корей театрының жетекші әртісі Ким Надежда Владимировна да ие болып, «Құрмет» орденімен марапатталды.
Сонымен қатар, Қазақстан Республикасы Мәдениет және ақпарат министрлігінің ведомстволық наградаларымен марапатталған театр ұжымы мүшелері:
- Пяк Антонина Петровна, Қазақстанның еңбек сіңірген қайраткері – «Еңбек ардагері» медалімен;
- Югай Ангелина Владимировна, жетекші солист — «Мәдениет саласының үздігі» төсбелгісімен марапатталды.
Республикалық мемлекеттік академиялық корей театрының ұжымы барлық мәдениет және өнер саласының қызметкерлерін кәсіби мерекемен шын жүректен құттықтайды! Надежда Владимировна, Антонина Петровна және Ангелина Владимировнаны жоғары наградаларымен құттықтай отырып, зор денсаулық, мол бақыт және отандық мәдениетті өркендету жолында жаңа шығармашылық табыстар тілейміз!