Мемлекеттік республикалық корей музыкалық комедия театрының әртістері Сеулде өтіп жатқан театр фестиваліне қатысуда, деп хабарлайды ҚазАқпарат тілшісі. Tengrinews.kz. фестивальге қазақстандық әртістер құрметті қонақ ретінде шақырылды.
“Жыл сайын Корея Республикасының театр қайраткерлері одағы ұйымдастыратын халықаралық театр фестиваліне қатысамыз, — дейді Қазақстанның корей театрының қоюшы режиссері Елена Ким. – Әдетте ол маусым айында өтеді және бір айға созылады. Алайда, биыл ұйымдастырушылар бізді құрметті қонақтар ретінде шақыруға шешім қабылдады және Біз Сеулде Халықаралық театр фестивалінің жеңімпаздарымен бірге өнер көрсетеміз”.
Қазақстандық әртістер Дулат Исабековтың аттас пьесасы бойынша “Актриса” драмасын ұсынады. Спектакль премьерасы мамыр айында театр сахнасында өтті (қоюшы режиссер Елена Ким, қоюшы хореограф Анна Цой, композитор Георгий Юн, қоюшы суретші Юлия Чернова). Драма бүкіл өмірін театрға арнаған актриса Айгүл Асанованың тағдыры туралы баяндайды. Көтерілістер мен құлдырау, сахна сыртындағы интригалар, отбасылық тартыстар — осы проблемалардың барлығына қарамастан, Айгүл сахнаға, театрға және өнерге адал болып қала береді.
“Бұл пьеса қызықты әрі күрделі, әр әртіс өзін, өз өмірін көре алады, — деп атап өтті ҚР еңбек сіңірген қайраткері, Айгүл рөлінің орындаушысы Антонина Пяк. – Спектакль алдында толқу болды. Біріншіден, біз қазіргі қазақ әдебиетінің классигі Дулат Исабековтың пьесасын ұсынамыз. Бұл спектакль қазақ драма театры актрисасының тағдыры туралы, айтпақшы, қойылым кезінде басты кейіпкер тіпті осы сөздерді айтады, спектакльде қазақ әндері шырқалады, бірақ біз оны корей көрермендері үшін корей тілінде ойнаймыз. Әрине, бұл үлкен жауапкершілік. Бірақ кеше біз спектакльді ойнадық және, негізінен, көрермен біздің қойылымды түсініп, қабылдағанын көрдік. Бұл керемет және өте қуанышты
[woowgallery id=”7818″]