2024 жылдың 9-14 қазан аралығында Республикалық мемлекеттік академиялық корей музыкалық комедия театрының әртістері Корея Республикасында өткізілетін: Чун-Гу округі әкімшілігінің шақыруымен Тэджон қаласында өткен «Үлкендерді құрметтеу дәстүрлерін сақтаудың XV фестивалі» және Кванджу қаласындағы «Азияның дәстүрлі мәдениеттерін алмастыру күні»» екі фестиваліне қатысты.
Тэджон қаласына театрдың музыкалық жетекші Аян Амангельдиновтың басшылығымен Виталий Ли, Сергей Ким және Евгения Юн құралған театрдың солист-вокалистерінің тобы сапарға шықты. Олар фестивальдің ашылуы мен жабылуына қатысып, сондай-ақ фестивальдің бір күніндегі кешкі іс-шарада қазақ және корей халық әндерінен концерттік бағдарламамен өнер көрсетті.
Кванджу қаласына театрдың әдеби бөлім меңгерушісі Василий Цайдың басшылығымен Роман Ким, Майя Ли және Толеген Рахымбаев солист-вокалистерінің тобы барды. Олар корей және қазақ тілдерінде классикалық репертуар көрсетті.
Фестивальдер Корея Республикасы мен Қазақстан Республикасы арасындағы мәдени алмасу мен достық қатынастарды нығайту үшін маңызды алаңға айналды.