“Ортеке” VI Халықаралық “Ортеке” қуыршақ театрлар фестивалін Қазақстан Республикасы Мәдениет және спорт министрлігі өткізуде.
Бейнекүнделік, 22 сәуір фестивальдің бірінші күні.
Республикалық мемлекеттік академиялық корей театрында салтанатты ашылу рәсімі өтті.
Салтанатты шараға Тотальный театрының негізін қалаушы Антон Зайцев жетекшілік етті.
Ашылу шарасында мерекелік көңіл-күй мен балалардың шаттығы ерекше болды.
Ертегі кейіпкерлері фестиваль қонақтарын қарсы алды.
Театрдың кіреберісінде дәстүрлі қызыл кілемнің орнына жастық пен көктемнің көрінісі ретінде жасыл кілем жайылды.
Театр алдында балалар суреттерінің байқауы өтті, бұл шараға барлық балалар қуана қатысты.
Фестивальді сиқырлы құстар мен мерекенің басты символы – Ортеке ашты.
Фестивалді Қазақстан Республикасы Мәдениет және спорт министрлігі Мәдениет комитетінің төрағасы Кәрібжанова Роза Самидоллақызы құттықтау сөз сөйлеп ашты.
Сондай-ақ Қазақстан Республикасының еңбек сіңірген өнер қайраткері Олег Сафронович Ли қатысушыларға сәттілік тіледі.
Төраға мен қазылар алқасының мүшелері, сондай-ақ фестивальдің барлық қатысушылары көрермендердің қошеметіне бөленіп, жасыл кілемшемен жүріп өтті.
Корей театрының әртістері театр сахнасында музыкалық қойылым қойды.
Астана қаласы әкімдігінің Қуыршақ театры корей театрының сахнасында балалардың суреттерінен жинақталған “Бұл мен салған сурет” атты спектаклін ұсынды. Соңынан қазылар алқасының мүшелері сөз сөйлеп, қойылымды талқылады.
Бұдан соң қатысушылар Мемлекеттік қуыршақ театрында қойылған Маңғыстау облыстық қуыршақ театрының туындысы “Қозы Көрпеш-Баян сұлу” спектаклін тамашалады. Кейіннен қазылар алқасы мүшелерінің қатысуымен спектакль талқыланды.
Фестивальдің бірінші күні осындай шаралармен аяқталды.